Bein út­sending: Litlu jól Blökastsins

Tríóið í Blökastinu, þeir Auddi, Steindi og Egill ætla að hafa það huggulegt á náttfötunum og hvetja áhorfendur til að gera slíkt hið sama. Þeir ætla að opna yfir fimmtíu jólapakka og fyrir hvern pakka draga þeir út heppinn áskrifanda sem fær pakkann.

Horfa má á útsendinguna í beinni í spilaranum hér fyrir neðan og hefst hún klukkan 19:30.

Vita ekki hvað er í öllum pökkunum

Strákarnir vita ekki hvað er í meiri hlutanum af pökkunum en jólaálfarnir sem eru búnir að safna og pakka inn lofa risagjöfum sem áskrifendum gefst kostur á að fá. Allt frá risa gjafabréfum yfir í dót úr bílskúrnum hans Steinda.

Eina sem þarf að gera til þess að eiga möguleika á að fá pakka er að gerast áskrifandi að Blökastinu, setjast við sjónvarpið á sunnudaginn með heitt kakó og sjá hvort nafnið þitt sé dregið! Engar áhyggjur ef þú missir af útsendingunni eða kemur inn seint, ef þú gerist áskrifandi ertu samstundis sjálfkrafa í pottinum og það verður haft samband við alla sem eru dregnir út.

Hægt er að tryggja sér áskrift hér og nafnið þitt er sjálfkrafa komið í pottinn.