Par­ty­land í Holta­görðum hefur allt fyrir gamlár­spartýið

„Móttökurnar hafa verið hreint út sagt frábærar,“ segir Kamilla Birta Guðjónsdóttir, verslunarstjóri Partylands í Holtagörðum. „Fólk virðist ánægt með uppbygginguna í Holtagörðum og aðkomuna að húsinu en hér er nóg af bílastæðum. Viðskiptavinir geta m.a. lagt bílnum á neðri hæðinni í vondu veðri og ferja blöðrurnar í poka frá okkur út í bíl.“

Undanfarið ár hefur farið í að byggja upp verslunina með bættu úrvali og að tryggja að viðskiptavinir gangi út ánægðir með persónulega þjónustu í blöðrum og skrauti fyrir hvert og eitt tilefni. „Við tökum sérstaklega eftir því að þeir sem koma einu sinni verða að fastakúnnum og tökum því auðvitað sem alveg sérstökum meðmælum.“

Nýja vefverslunin þjónar viðskiptavinum verslunarinnar enn betur en áður. „Á partyland.is er hægt að skoða allar þær vörur sem við bjóðum upp á og fá sent heim eða sækja í verslun okkar. Okkur finnst sérstaklega mikilvægt að geta loksins boðið þeim sem búa á landsbyggðinni að kaupa vörur okkar og hlökkum alveg sérstaklega til að senda áramótaskrautið út á land.“

Hún segir söluna fyrir síðustu áramót hafa gengið ótrúlega vel en þá vissu þau ekki alveg við hverju þau áttu að búast. „Í ár erum við reynslunni ríkari og gerum ráð fyrir enn meiri aðsókn og kappkostum að vera vel undirbúin.“

Áherslan í ár er helst á fallegar og vandaðar skreytingar ásamt því að bjóða upp á nóg af blöðrum af öllum stærðum og gerðum. „Við verðum með tilbúna blöðruvendi í verslun okkar til að stytta biðtímann fyrir viðskiptavini ásamt því að selja helíumkúta fyrir þá sem vilja græja blöðrurnar heima. Hér fæst auk þess flest allt fyrir gott áramótapartý, hvort sem þú ert að leita að hefðbundnu áramótaskrauti eða ef þú ætlar að vera öðruvísi og halda t.d. Havaí áramót eins og einn viðskiptavina okkar gerði í fyrra.“

Og auðvitað ætlar Kamilla að skreyta vel um áramótin, en ekki hvað. „Mér finnst flottar blöðrur alltaf gera mjög mikið fyrir öll tilefni, þannig ég mun græja fallegar áramótablöðrur í silfurlit, gylltu og svörtu. Ég mun svo sjá til þess að allir fjölskyldumeðlimir verði með skemmtilega hatta og fylgihluti. Svo má ekki gleyma því að hafa eitthvað fjör, eins og confetti sprengjur, knöll , blys og skemmtilega leiki til að tryggja geggjaða stemmingu. Búðin okkar er risastór og verður troðfull af vörum fyrir áramótin. Það er fátt skemmtilegra en að rölta þar um og láta koma sér á óvart. Ég mun því vafalaust bæta hinu ýmsa við eftir því sem nær dregur.“