Sjáðu mörkin sem skutu Newcastle á Wembley

Newcastle var með 2-0 forystu fyrir síðari undanúrslitaleikinn við Arsenal á St. James' Park í gærkvöld. Víkingur Heiðar Ólafsson var á meðal gesta og sá sína menn í Newcastle fagna sigri líkt og greint var frá á Vísi í morgun.

Newcastle vann annan 2-0 sigur á Arsenal og einvígið samanlagt 4-0. Jacob Murphy skoraði fyrra markið þegar hann fylgdi eftir skoti Alexanders Isak sem small í stönginni.

Snemma í síðari hálfleik skoraði hinn kantmaður Newcastle, Anthony Gordon, annað markið og 2-0 sigur niðurstaðan.

Newcastle er því á leiðinni á Wembley og mun mæta annað hvort Tottenham eða Liverpool í úrslitum. Tottenham leiðir undanúrslitaeinvígi liðanna 1-0 eftir fyrri leikinn í Lundúnum.

Liverpool og Tottenham mætast klukkan 20:00 í kvöld og leikurinn sýndur beint á Vodafone Sport.

Mörkin úr leik Newcastle og Arsenal má sjá í spilaranum.