Veður

Í­búar á austari hluta landsins gætu séð til tungl­myrkvans

Lovísa Arnardóttir skrifar
Tunglið verður rauðleitt við almyrkva. Fólk á austurhluta landsins gæti séð til tunglmyrkvans í fyrramálið.
Tunglið verður rauðleitt við almyrkva. Fólk á austurhluta landsins gæti séð til tunglmyrkvans í fyrramálið. Vísir/Vilhelm

Ólíklegt er að íbúar á höfuðborgarsvæðinu og vestari hluta landsins muni geta séð tunglmyrkvann sem á sér stað snemma í fyrramálið. Almyrkvinn verður í hámarki klukkan 6:59 í fyrramálið en sést ekki í heild sinni frá Íslandi þar sem tunglið sest áður en honum lýkur.

Sigríður Magnea Óskarsdóttir náttúruvársérfræðingur hjá Veðurstofu Íslands segir spána því miður þannig að ólíklegt sé að það sjáist til tunglmyrkvans á vestari hluta landsins.

„Það er útlit fyrir, því miður, að það verði skýjað. Það er fallegt veður núna en það fer að draga fyrir sólu á Suður- og Vesturlandi um miðnætti og verður alskýjað klukkan sex. En á austurhelmingi landsins ætti þetta að sjást.“

Varir í sex klukkustundir

Fjallað er ítarlega um tunglmyrkvann á heimasíðu Sævars Helga Bragasonar og Gísla Más Árnasonar, Iceland at night. Þar kemur fram að tunglmyrkvinn muni alls var í sex klukkustundir og þrjár mínútur og þar af verði almyrkvi í um eina klukkustund og sex mínútur. Tunglmyrkvinn mun sjást best í Norður- og Suður-Ameríku og Kyrrahafi.

Þar kemur einnig fram að almyrkvi hefjist klukkan 06:26, nái hámarki 06:59 og að honum ljúki um 07:32. Sólarupprás er svo um 07:49 og hún getur haft áhrif á sýnileika.

Ekki þörf á sjóntækjum

Á vef Iceland by night kemur einnig fram að ekki sé þörf á neinum sjóntækjum til að sjá tunglmyrkvann en að skemmtilegra sé að fylgjast með honum í gegnum handsjónauka eða litla stjörnusjónauka.

„Við almyrkva verður tunglið rauðleitt á litinn. Ástæðan er sú, að ljós frá sólinni berst í gegnum andrúmsloft Jarðar og bregður rauðum blæ á tunglið. Sólarljósið ferðast í gegnum þykkara andrúmsloft sem dreifir bláu ljósi burt á meðan rautt, appelsínugult og gult ljós berst í gegn og lýsir upp tunglið. Rauði liturinn veldur því, að almyrkvar á tungli eru stundum kallaðir „blóðmánar“,“ segir einnig á síðunni.


Tengdar fréttir

Al­myrkvi á tungli snemma á föstu­dags­morgun

Íslendingar geta séð hluta af almyrkva á tungli ef veður leyfir snemma að morgni föstudags. Almyrkvinn verður í hámarki klukkan 6:29 um morguninn en sést ekki í heild sinni frá Íslandi þar sem tunglið sest áður en honum lýkur.

Tveir kaflar að Látrabjargi lagfærðir fyrir almyrkvann

Almyrkvi á sólu, sem verður á jörðinni þann 12. ágúst á næsta ári, mun vara lengst á Látrabjargi. Þetta er ástæða þess að hótelrými á sunnanverðum Vestfjörðum er fyrir löngu uppselt í kringum þennan dag og þar er búist við umferðaröngþveiti.

Sólmyrkvinn í beinni frá Ameríku

Íslendingar munu mögulega getað séð deildarmyrkva á sólu í kvöld. Í Mexíkó, Bandaríkjunum og í Kanada mun fólk þó geta séð almyrkva en hann má einnig sjá á netinu.




Fleiri fréttir

Sjá meira


×