Enski boltinn

Á förum frá Man United sem og Eng­landi að tíma­bilinu loknu

Runólfur Trausti Þórhallsson skrifar
Christian Eriksen hefur spilað 140 A-landsleiki fyrir Danmörku.
Christian Eriksen hefur spilað 140 A-landsleiki fyrir Danmörku. Clive Mason/Getty Images

Danski miðjumaðurinn Christian Eriksen mun yfirgefa Manchester United þegar tímabilinu í Englandi lýkur nú í vor. Samningur hans við félagið rennur þá út og ætlar hann að halda á vit ævintýranna.

Hinn 33 ára gamli Eriksen hefur opinberað að hann það séu engar viðræður um nýjan samning í gangi og því muni hann yfirgefa félagið að tímabilinu loknu. Þá hefur þessi fyrrverandi leikmaður Tottenham Hotspur og Brentford staðfest að hann muni yfirgefa England.

„Ég er tilbúinn að prófa eitthvað nýtt. Mér líður vel með þá ákvörðun. Ég hef þó ekki ákveðið hvar það verður.“

Spyrnumaðurinn knái segir þó ótímabært að halda heim til Danmerkur og hann hafi ekki hugsað sér að fara alla leið til Bandaríkjanna.

Eriksen hóf atvinnumannaferil sinn hjá Ajax í Hollandi eftir að hafa verið í akademíu félagsins í tvö ár. Alls var hann á mála hjá félaginu í fimm ár og er talið líklegt að hann gæti snúið aftur til Amsterdam. Hann var leikmaður Inter í Mílanó á Ítalíu þegar hann fór í hjartastopp í leik með danska landsliðinu sumarið 2021. 

Í dag er miðjumaðurinn með gangráð og mega leikmenn með slíkan búnað ekki spila þar í landi. Síðan 2022 hefur verið leikmaður Man United en í sumar mun hann svo semja við sjötta liðið á ferli sínum nema þá að hann gangi aftur til liðs við Ajax.




Fleiri fréttir

Sjá meira


×