Stórglæsilegir vinningar í Páskabingói Blökastsins

„Okkur finnst bingóið vera fullkomin leið til þess að brjóta upp páskana. Fjölskyldan öll saman, skemmtun heima í stofu! Við lofum alltaf stuði og stórum vinningum!“ segir Steindi jr. 

Allir geta horft á útsendinguna en til þess að fá bingóspjöld þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is, gerast áskrifandi og smella svo á rauða bingótakkann sem birtist efst á síðunni 1. apríl.

Stórglæsilegir vinningar eins og alltaf!

Í bingóum hingað til hafa verið flugmiðar, símar, pizzaofnar og risastór gjafakort frá verslunum. Í þetta skipti verða þeir alveg jafn glæsilegir.

• Vínkælir frá Bako
• Öryggiskerfi, veðurstöð & fleira frà S. Bogason að andvirði 200.000
• 100.000 kr. gjafabréf frá Play
• Playstation 5 pro og aukahlutir - heildar andvirði um 150.000 kr.
• Everdure grill að andvirði 230.000 kr.
• Rúm fra Dorma
• 100.000 gjafabréf frá Sambíó
• Ársbirgðir af Lite eða Pepsi Max
• Ásamt öðrum vinningum

Svona virkar þetta

Áskrifendur Blökastsins skrá sig inn á fm95blö.is, smella á "SÆKJA BINGÓ SPJÖLD" takkann sem fer með þá á hlekk þar sem þeir geta sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að gera eins og Steindi segir, standa upp í sófanum og kalla „BINGÓ!“

Eins og áður sagði má finna nánari upplýsingar á vef Tals hér á Vísi.