Veðurviðvaranir um helgina

Í dag, laugardag, er gul viðvörun á Suðausturlandi í gildi til klukkan sjö í kvöld. Spáð er austan og norðaustan þrettán til tuttugu metra á sekúndu með snjókomu.

Upp úr hádegi á morgun fer í gildi gul viðvörun á Suðurlandi þar sem er spáð þrettán til tuttugu metrum á sekúndu. Einnig á að vera lélegt skyggni, sérstaklega á Hellisheiði og í Þrengslum. Viðvörunin á Suðurlandi er í gildi til klukkan fjögur um eftirmiðdaginn.

Þá taka við viðvaranir í Faxaflóa og Breiðafirði klukkan þrjú og fjögur um eftirmiðdaginn. Þar eiga að vera þrettán til átján metrar á sekúndu, snjókoma eða skafrenningur. Varasöm akstursskilyrði verða á svæðunum, einkum á fjallvegum. 

Klukkan fimm fara í gildi viðvaranir á Vestfjörðum og verða einnig varasöm akstursskilyrði þar.

Allar viðvaranir verða fallnar úr gildi klukkan ellefu annað kvöld.