Lífið

Steldu stílnum af heimili Svönu Lovísu

Svava Marín Óskarsdóttir skrifar
Svana Lovísa og fjölskylda búa í fallegri íbúð í Hafnarfirði.
Svana Lovísa og fjölskylda búa í fallegri íbúð í Hafnarfirði.

Svana Lovísa Kristjánsdóttir, vöruhönnuður og áhrifavaldur, býr ásamt manni sínum, Andrési Andréssyni og börnum þeirra tveimur á fallegu heimili í hjarta Hafnarfjarðar sem hefur verið innréttað af mikilli smekkvísi. 

Fjölskyldan festi kaup á eigninni árið 2018 og hafa gert ýmislegt fyrir heimilið á ódýran og sem hagstæðastan hátt án þess að fara í dýrar framkvæmdir.

„Við höfum gert alveg heilmikið hérna heima, bæði sem er hægt að sá og mjög margt af þessu ósýnilega, eins og þessar stóru framkvæmdir sem við þurftum líka að ráðast í. Auðvitað máluðum við það bleikt,“ sagði Svana Lovísa samtali við Völu Matt í Íslandi í dag í júní í fyrra.

Bleikur litur og björt rými

Svana Lovísa deilir reglulega myndum af heimili fjölskyldunnar á samfélagsmiðlum. Stíllinn á heimilinu afar hrífandi þar sem samblanda af klassískri hönnun og litríkum innanstokksmunum eru í aðalhlutverki.

Stofa og borðstofa er samliggjandi í opnu rými með góðu útsýni yfir bæinn.

Við borðstofuborðið má sjá hina klassísku stóla J39, hönnun eftir Børge Mogensen frá árinu 1947. Við enda borðsins má sjá hina sígildu CH-24 stóla, oft nefnda Y-stólana, í sápuborinni eik, eftir Wegner, hannaðir árið 1949. Þá má einnig sjá aðra formfagra og klassíka stóla á heimilinu eftir danska hönnuðinn Arne Jacobsen, Sjöuna og Dropann í bleikum lit, og sérstaka útgáfu af Svaninum í ljósu leðri.

Stólarnir blandast fallega saman og skapa tímalaust yfirbragð á heimilinu.

Eldhúsið er rúmgott og bjart með notalegum borðkrók, málað í ljósbleikum lit sem endurspeglar persónulegan stíl Svönu Lovísu. Í eldhúsinu má sjá stílhreina hvíta innréttingu með ljósum steini á borðum sem nær upp á vegg. Á veggnum fyrir ofan innréttinguna er opin hilla, þar sem vatnskönnur frá Georg Jensen og kaffibollar úr smiðju Royal Copenhagen fá að njóta sín til fulls.

Notaleg lýsing 

Lampar úr smiðju danskra hönnuði eru einnig áberandi á heimilinu. Fyrir ofan eldhúsborðið hangir hinn sígildi PH 5-lampi eftir Poul Henningsen, sem hann hannaði fyrir ljósaframleiðandann Louis Poulsen árið 1958. Í borðstofunni gefur Panthella-gólflampinn, sem Verner Panton hannaði árið 1971, mjúka og notalega birtu sem er einkennandi fyrir hönnun hans.


Tengdar fréttir

Steldu stílnum af heimili Laufeyjar

Tónlistarkonan Laufey Lín Jónsdóttir hefur búið sér til fallegt heimili í Los Angeles, þar sem klassísk skandinavísk hönnun mætir hlýlegum og sjarmerandi stíl. Laufey deildi nýverið myndum úr dúkkuhúsinu sínu, eins og hún orðaði það, með fylgjendum sínum á Instagram.

Steldu stílnum af heimili Kristínar Péturs

Leikkonan og flugfreyjan Kristín Pétursdóttir hefur skapað sér og fjölskyldu sinni einstaklega fallegt og hlýlegt heimili í íbúð við Njálsgötu í hjarta Reykjavíkur. Eignin er 69 fermetrar að stærð í reisulegu húsi sem hefur verið í eigu fjölskyldu hennar allt frá árinu 1930.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.