Geð­brigði er sigur­vegari Músiktilrauna

„Fjörutíu og tvö frábær tónlistaratriði tóku þátt í Músíktilraunum 2025. Mikil fjölbreytni var í stefnum og stílum atriðanna og aðsókn á bæði undan- og úrslitakvöld var með eindæmum góð,“ segir í tilkynningu frá Músiktilraunum.

Úrslitakvöld Músiktilrauna fór fram í Hörpu í kvöld þar sem tíu atriði kepptu til úrslita. Úrslit voru ákveðin annars vegar með dómnefnd og hins vegar símakosningu.

Fjöldi þátttakanda fékk glæsileg verðlaun á borð við hljóðverstíma, spilamennsku á tónlistarhátíðum, flug með Icelandair, og úttekt í hljóðfæraverslunum.

Öllum keppendum sem komust í úrslit er svo boðið í Hitakassan; námskeið sem haldið er af Hinu Húsinu, Tónlistarmiðstöð og Tónlistarborginni Reykjavík sem undirbýr fólk fyrir feril í tónlist.

Einstaklingsverðlaun sem veitt voru á Músiktilraunum 2025 eru eftirfarandi:

Söngvari Músíktilrauna

Þórhildur Helga Pálsdóttir, Geðbrigði

Gítarleikari Músíktilrauna

Ísleifur Jónsson, Sót

Bassaleikari Músíktilrauna

Aliza Kato í Nógu gott og Kyrsa

Hljómborðsleikari Músíktilrauna

Eyþór Alexander Hallsson í Big Bandi Eyþórs

Trommuleikari Músíktilrauna

Þorsteinn Jónsson í Big Bandi Eyþórs

Rafheili Músíktilrauna

Lucas Joshua Snædal Garrison í LucasJoshua

Viðurkenning fyrir textagerð á íslensku

Geðbrigði

Höfundaverðlaun FTT

j. bear & the cubs