Sig­tryggur Arnar eignaðist strák rétt fyrir stór­leik kvöldsins

Stefán Árni Pálsson, þáttastjórnandi Körfuboltakvölds, vakti athygli á þessu í beinni útsendingu í kvöld. Í kjölfarið var skipt yfir á Andra Má Eggertsson sem var með Sigtrygg Arnar í viðtali.

„Það er svona hálftími síðan. Ég var með símann á bekknum, konan hringdi í mig og tilkynnti mér að við hefðum eignast strák.“

„Við vorum löngu búin að ræða það. Sem betur fer tengdamamma komin. Þetta heppnaðist mjög vel,“ sagði Sigtryggur Arnar aðspurður hvort það hefði alltaf verið spurningin að spila leik kvöldsins.

Viðtalið við Sigtrygg Arnar má sjá í spilaranum hér að neðan. Tindastóll og Álftanes eru svo í beinni á Stöð 2 Sport. Þá er leikurinn í beinni textalýsingu á Vísi.