Til IDS á Ís­landi frá Ís­lenskri erfða­greiningu

Í tilkynningu segir að Steindór Arnar sé rafmagnstæknifræðingur frá Háskólanum í Reykjavík. Hann kemur til IDS frá Íslenskri erfðagreiningu þar sem hann var forstöðumaður upplýsingatækni, en starfaði áður hjá Advania um langt árabil.

IDS veitir heild­ar­lausn­ir í hug­búnaði og vél­búnaði fyr­ir gagna­ver og hýs­ing­ar­sali vinnustaða.

Haft er eftir Guðbrandi Randveri Sigurðssyni, framkvæmdastjóra IDS á Íslandi, að það sé mikilvægt fyrir ungt og tiltölulega fámennt fyrirtæki að einvalalið sérfræðinga veljist þar til starfa. „Við eigum ársafmæli næsta haust og lögðum mikla áherslu á að fá Steindór Arnar til liðs við okkur. Þrátt fyrir ungan aldur á hann að baki um tuttugu ára feril við stjórnun upplýsingatækni og hefur meðal annars djúpa og dýrmæta innsýn í rekstur gagnavera og hvers konar viðfangsefni á sviði skýjalausna,“ er haft eftir Guðbrandi.

IDS á Íslandi er með höfuðstöðvar á Selfossi, en starfsstöð í Reykjavík, og er í eigu sænska upplýsingatæknifyrirtækisins Hexatronic. Meðal viðskiptavina fyrirtækisins eru Arion, Alvotech, Becthle, Borealis, DK Software, Icelandair, Íslandsbanki, Háskóli Íslands, Kvika, Landsnet, Orkuveita Reykjavíkur, Rarik, Reiknistofa bankanna og Verne Global.