Blöndu­lón fyllist sögu­lega snemma og staðan góð í lónum

Þetta kemur fram í tilkynningu Landsvirkjunar en þar segir að í vetur hafi einungis um 40 prósent af forðanum í lóninu verið nýttur og því hafi lónið staðið óvenjulega hátt í upphafi vorflóða.

„Ýmsar ástæður liggja þar að baki, orkusala á Norðurlandi hefur dregist saman og flutningstakmarkanir gera það að verkum að ekki er hægt að keyra Blöndustöð á fullum afköstum. Þá hefur viðhald hjá Landsneti á byggðalínu og hjá Landsvirkjun í Blöndustöð verið meira en venjulega.“

Jafnframt hafi nýliðinn vetur verið óvenjulegur þar sem hlýrra hafi verið á hálendinu en undanfarin ár. Rennsli til Blöndulóns hafi byrjað að aukast í febrúar og miklar vorleysingar í apríl og maí hafi nánast fyllt lónið.

Á sama tíma hafi nánast allan snjó tekið upp í kringum Blöndulón.

„Í gegnum tíðina hefur þetta ekki verið algengt, en kom fyrir í byrjun aldarinnar. Þegar horft er fram í tímann er líklegasta sviðsmyndin sú að lónið fari á yfirfall núna en það muni síðan standa í stað eða lækka fram að upphafi jökulbráðar í júlí. Sögulega hefur það verið þróunin, og í framhaldinu hefur lónið ekki fyllst fyrr en í byrjun ágúst.“

Enn fremur sé staðan í lónum Landsvirkjunar almennt helur betri en undanfarin ár. Bæði Þórisvatn og Hálslón séu komin upp fyrir meðaltal.

Hægt er að fylgjast með stöðu miðlunarlónanna hér.