Fótbolti

Íslendingaliðið stríddi PSV en stóð ekki í vegi fyrir sögu­legu klúðri

Ágúst Orri Arnarson skrifar
Kristian Hlynsson var í byrjunarliði Sparta og fór út af á sama tíma og Nökkvi Þeyr kom inn á.
Kristian Hlynsson var í byrjunarliði Sparta og fór út af á sama tíma og Nökkvi Þeyr kom inn á.

PSV er hollenskur meistari eftir 1-3 sigur gegn Sparta Rotterdam í lokaumferðinni. Kristian Hlynsson var í byrjunarliði Sparta Rotterdam og Nökkvi Þeyr Þórisson kom inn af bekknum. Spörtungar stríddu PSV aðeins en gátu ekki aðstoðað Ajax, sem fleygði titlinum frá sér á lokakafla tímabilsins.

PSV var búið að gefa upp alla von um að verða meistari fyrir mánuði síðan, Ajax var með svo afgerandi forystu í efsta sæti deildarinnar. Síðan þá hefur hins vegar allt gengið á afturfótunum hjá Ajax og PSV vann sig upp í efsta sætið.

PSV dugði því sigur í dag og sá sigur skilaði sér, þó liðinu hafi verið skotinn skelkur í bringu þegar Sparta jafnaði leikinn í upphafi seinni hálfleiks. En PSV var fljótt að komast aftur yfir og Ajax vermdi toppsætið ekki nema í um sex mínútur.

Kristian Nökkvi Hlynsson byrjaði og spilaði 86 mínútur, honum var skipt út á sama tíma og Nökkvi Þeyr Þórisson kom inn á.

Hollenski boltinn

Mest lesið


Fleiri fréttir

Sjá meira


×

Mest lesið