Óvissustig vegna ferjuflugvélar frá Græn­landi

Þegar flugmaðurinn, sem var einn um borð, hafði ekki tilkynnt um ferðir sínir eins og búið var að gera ráð fyrir,  höfðu starfsmenn Flugstjórnarmiðstöðvarinnar í Reykjavík samband við Landhelgisgæsluna. Flugvélin sást ekki á ratsjám og svaraði flugmaðurinn ekki kalli.

Í yfirlýsingu frá LHG segir að dönsku herstjórninni á Grænlandi hafi verið tilkynnt um málið og eftirlitsflugvél frá danska flughernum hafi verið send af stað. Áhöfnin á TF-SIF, eftirlitsflugvél Landhelgisgæslunnar, var einnig kölluð út.

Þegar áhöfnin var við það að fara í loftið náðist loks samband við flugmanninn og sáust merki frá henni í kerfum stjórnstöðvar Atlantshafsbandalagsins á Keflavíkurflugvelli. 

Einnig segir í yfirlýsingunni að umfang málsins hafi verið töluvert og það hafi reynt á samvinnu stjórnstöðvar LHG í Skógarhlíð, dönsku herstjórnarinnar, Flugstjórnarmiðstöðvarinnar í Reykjavík og stjórnstöðvar NATO á öryggissvæðinu á Keflavíkurflugvelli.