Iðnaðar­maður ársins 2025 – Róbert er kominn í úr­slit

Róbert Örn svarar hér nokkrum laufléttum:

Hvar lærðir þú? Ég lærði fagið hjá stjúpa mínum, Børge Pedersen dúkari, Sigurði Hanssyni Dúklagningameistara og föður hans, Hans Jensson, Dúklagningameistara. Ég stefni á að taka raunfærnimat sem tengist þessu starfi.

Annars lauk ég grunnskóla árið 2002, tók 1 ár í Fjölbrautaskólanum við Ármúla á Upplýsinga og Fjölmiðlabraut. Tók mér svo smá frí frá skóla og fór að vinna í 6 mánuði. Eftir það tók ég 1 ár í Grunndeild Bíliðna í Borgarholtsskóla. Síðan liðu nokkur ár og hóf ég nám í Frumgreinadeild Háskólans á Bifröst. Lauk því. Droppaði úr Viðskiptalögfræði við Háskólann á Bifröst eftir á 2. önn og svo tók vinnan við.

Hvenær ákvaðstu að gera það sem þú gerir? Árið var 2015 og ég tilbúinn í eitthvað nýtt. Ég stökk á flotvagninn hjá Sigga Dúkara og ákvað að prófa það sem var í boði. Núna, 10 árum, eiginkonu og 2 börnum síðan er ég hér enn. Ég þakka frúnni og öllum ofantöldum fyrir það að geta gert það sem ég geri enn í dag.

Hvernig ertu í annarri iðn? Værir þú liðtæk/ur á 6 véla settið frá Sindra? Ef ég væri verkfæri væri ég multitool, það fylgir starfinu að geta leyst úr ýmsu hratt og örugglega svo hlutirnir gangi snurðulaust fyrir sig.

Besti skyndibitinn að þínu mati? Góður kebab.

Ertu með staðlað svar þegar ættingjarnir vilja fá þig til að “laga smá”? „Ég skal aðstoða ef þú reddar verkfærunum. Því ég á varla nein tæki/verkfæri sjálfur.“

Kaffi eða orkudrykkir? Byrja morgnana á einum ef ekki 2 x sótsvörtum kaffibollum. Síðan er áherslan lögð á orkudrykki ef þeir eru í boði.

Leiðinlegasta húsverkið? Að flokka rusl 😂

Ef þú værir ekki þinni iðngrein hvað værir þú þá? Ég væri fasteignasali eða lögfræðingur

Uppáhalds drykkur? Íslenskt vatn.

Hvað fer í mest taugarnar á þér? Óskipulag og þegar það líður of langt á milli klippinga.

Besti staður á Íslandi? Hver staður hefur sínar perlur. En ég elska Reykjanesið.

Heitur brauðréttur eða brauðterta? Brauðréttur

Hlustar þú á X977 í Peltor eða Airpods? Peltor

Stáltá eða strigaskór? Stáltá

Tommustokkur eða málband? Málband

Hvert er þitt stærsta afrek sem iðnaðarmaður? 10 ára starfsafmæli hjá sama vinnuveitanda, Sigga Dúkara

En stærsta klúður? Að fara til Grænlands í verkefni með ólétta konu heima fyrir á 36 viku og eiga á hættu að missa af fæðingunni, sem gerðist næstum því...

Hefurðu komist í gegnum fermingarveislu án þess að einhver fari að tala um það sem er bilað heima…hvort þú getir kannski kíkt á það? Svarið er nei 😄

Kosningin er í fullum gangi og hægt að kjósa sinn uppáhalds iðnaðarmann hér: