Tveir löðrungar og fall líklega ekki orsök andlátsins Jón Þór Stefánsson skrifar 1. júní 2025 07:03 Málið varðar atvik sem áttu sér stað í sumarhúsi í Kiðjabergi í apríl á síðasta ári. Vísir/Vilhelm Réttarmeinafræðingur sem rannsakaði lík í Kiðjabergsmálinu svokallaða sagði ekki hægt að tengja tvo löðrunga og fall til jarðar við áverkana sem voru á hinum látna. Í málinu er Gedirninas Saulys, 34 ára gamall litáískur karlmaður, ákærður fyrir sérstaklega hættulega líkamsárás sem varð til þess að Viktoras Buchovskis, Litái á fertugsaldri, hlaut bana af. Umrædd árás mun hafa átt sér stað í sumarhúsi í Kiðjabergi í Grímsnes- og Grafningshreppi á laugardagsmorgni þann 20. apríl í fyrra. Honum er gefið að sök að beita Viktoras margþættu ofbeldi sem beindist að höfði, hálsi og líkama hans. Meðal annars er Gedirninas sagður hafa slegið Viktoras tvívegis meðan hann sat í stól sem varð til þess að hann féll til jarðar. Fyrir vikið hafi Viktoras hlotið margþætta áverka, en hann er talinn hafa látist vegna heilaáverka. Réttarmeinafræðingur sem bæði rannsakaði líkið á vettvangi og framkvæmdi krufningu á því gaf skýrslu fyrir dómi í vikunni. Hann ræddi sérstaklega um áverka á höfði hins látna sem hann taldi hafa verið meginorsök andlátsins. Hann sagðist ekki hafa séð neitt áhald á vettvangi, né að neitt slíkt hafi verið borið undir hann, sem passi við áverkann. Saksóknari bar inniskó sem sakborningurinn mun hafa verið í morguninn þegar atvik málsins áttu sér stað undir réttarmeinafræðinginn. Fram kom í aðalmeðferðinni að blóð hafi fundist á sóla inniskónna. Líkt og með aðra muni sagði hann langsótt að tengja þá við höfuðáverkann. Hinn látni var líka með áverka á hálsi. Sá áverki var samt nokkuð ósértækur að sögn réttarmeinafræðingsins. Því væri erfitt að reyna að draga ályktun um hvort inniskórnir hefðu komið við sögu eða ekki þegar þeir mynduðust. Elimar Hauksson, verjandi Gedirninas, talaði um að mögulega hefði blóð verið á sólanum vegna þess að stigið hafi verið á blóðblett. Dánartímarannsóknir frumstæð vísindi Í skýrslu réttarmeinafræðingsins sagði að dánarstund hins látna hefði verið einhverntímann á klukkustundunum í kringum klukkan 11:30 þennan morgun. Réttarmeinafræðingurinn sagði viljandi gert að nota loðið orðalag þarna, þar sem mjög erfitt væri að setja vikmörk á tímasetningu andlátsins. Hann sagði dánartímarannsóknir mjög frumstæð vísindi. Hann sagði að sannarlegt hitastig hins látna og á svæðinu ekki liggja fyrir áður en viðbragðsaðilar komu á vettvang, og einnar gráðu breyting á því gæti breytt ætlaðri tímasetningu um margar klukkustundir. Þá sagði hann lítinn mun á „ferskleika“ helstu áverkana á líkinu, sem var þó líka með einhverja eldri minni háttar gróandi áverka. Það þýddi að þessir helstu áverkar hefðu líklega komið til sólarhringinn fyrir andlátið. Líklega ekki lengi á lífi með heilaáverka Hinn látni var með mikla áverka á heila, og að sögn réttarmeinafræðingsins er ansi ólíklegt að hann hafi lifað lengi eftir að hafa hlotið þá áverka. Eflaust hafi hann látist skömmu eftir að hann fékk þá. Hann fannst uppi í rúmi í bústaðnum. Réttarmeinafræðingurinn telur ólíklegt að hann hafi komið sér þangað sjálfur eftir að hafa fengið heilaáverkann. Fall niður bústaðinn líka ólíklegt Gedirninas, sakborningur málsins, hefur neitað sök, en hefur þó viðurkennt að hafa löðrungað Viktorias, hinn látna, einu sinni eða tvívegis þennan sama morgun. Við það hafi Viktorias fallið til jarðar. Að sögn réttarmeinafræðingsins gengur ekki upp að hinn látni hafi hlotið áverka sína vegna tveggja löðrunga og falls til jarðar. Í skýrslutöku velti Gedirninas því upp hvort áverkarnir á Viktorias hafi komið til vegna falls úr meiri hæð. Hann talaði um að þennan sama morgun hafi Viktorias verið að klifra upp bústaðinn. Réttarmeinafræðingurinn telur ólíklegt að fall þaðan hafi valdið áverkunum, eða þá fall af stiga af svefnlofti hússins. Hann tók fram að áverkar sem þessir gætu komið til vegna falls niður fjallshlíð. Að sögn réttarmeinafræðingsins var hinn látni með áverka í heila sem voru líklega eftir snarpar og þungar hreyfingar. Líklega væru þeir eftir einhvern fjölda högga, en ómögulegt væri að telja hversu mörg þau væru. Líklegast væri að áverkanir hefðu komið til eftir hnefahögg og spörk, eða vegna kraft sem væru áþekkir því. Barefli væri ólíklegt. Manndráp í Kiðjabergi Dómsmál Grímsnes- og Grafningshreppur Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Margt ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Strandveiðisjómenn vilji aftur fá kvóta sem þeir hafi selt frá sér Innlent Eldar loguðu í Kænugarði eftir umfangsmiklar árásir Rússa Erlent Fyrirsjáanlegar deilur: Valdamesti maður heims og sá ríkasti hnakkrífast Erlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Fleiri fréttir Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Sjá meira
Í málinu er Gedirninas Saulys, 34 ára gamall litáískur karlmaður, ákærður fyrir sérstaklega hættulega líkamsárás sem varð til þess að Viktoras Buchovskis, Litái á fertugsaldri, hlaut bana af. Umrædd árás mun hafa átt sér stað í sumarhúsi í Kiðjabergi í Grímsnes- og Grafningshreppi á laugardagsmorgni þann 20. apríl í fyrra. Honum er gefið að sök að beita Viktoras margþættu ofbeldi sem beindist að höfði, hálsi og líkama hans. Meðal annars er Gedirninas sagður hafa slegið Viktoras tvívegis meðan hann sat í stól sem varð til þess að hann féll til jarðar. Fyrir vikið hafi Viktoras hlotið margþætta áverka, en hann er talinn hafa látist vegna heilaáverka. Réttarmeinafræðingur sem bæði rannsakaði líkið á vettvangi og framkvæmdi krufningu á því gaf skýrslu fyrir dómi í vikunni. Hann ræddi sérstaklega um áverka á höfði hins látna sem hann taldi hafa verið meginorsök andlátsins. Hann sagðist ekki hafa séð neitt áhald á vettvangi, né að neitt slíkt hafi verið borið undir hann, sem passi við áverkann. Saksóknari bar inniskó sem sakborningurinn mun hafa verið í morguninn þegar atvik málsins áttu sér stað undir réttarmeinafræðinginn. Fram kom í aðalmeðferðinni að blóð hafi fundist á sóla inniskónna. Líkt og með aðra muni sagði hann langsótt að tengja þá við höfuðáverkann. Hinn látni var líka með áverka á hálsi. Sá áverki var samt nokkuð ósértækur að sögn réttarmeinafræðingsins. Því væri erfitt að reyna að draga ályktun um hvort inniskórnir hefðu komið við sögu eða ekki þegar þeir mynduðust. Elimar Hauksson, verjandi Gedirninas, talaði um að mögulega hefði blóð verið á sólanum vegna þess að stigið hafi verið á blóðblett. Dánartímarannsóknir frumstæð vísindi Í skýrslu réttarmeinafræðingsins sagði að dánarstund hins látna hefði verið einhverntímann á klukkustundunum í kringum klukkan 11:30 þennan morgun. Réttarmeinafræðingurinn sagði viljandi gert að nota loðið orðalag þarna, þar sem mjög erfitt væri að setja vikmörk á tímasetningu andlátsins. Hann sagði dánartímarannsóknir mjög frumstæð vísindi. Hann sagði að sannarlegt hitastig hins látna og á svæðinu ekki liggja fyrir áður en viðbragðsaðilar komu á vettvang, og einnar gráðu breyting á því gæti breytt ætlaðri tímasetningu um margar klukkustundir. Þá sagði hann lítinn mun á „ferskleika“ helstu áverkana á líkinu, sem var þó líka með einhverja eldri minni háttar gróandi áverka. Það þýddi að þessir helstu áverkar hefðu líklega komið til sólarhringinn fyrir andlátið. Líklega ekki lengi á lífi með heilaáverka Hinn látni var með mikla áverka á heila, og að sögn réttarmeinafræðingsins er ansi ólíklegt að hann hafi lifað lengi eftir að hafa hlotið þá áverka. Eflaust hafi hann látist skömmu eftir að hann fékk þá. Hann fannst uppi í rúmi í bústaðnum. Réttarmeinafræðingurinn telur ólíklegt að hann hafi komið sér þangað sjálfur eftir að hafa fengið heilaáverkann. Fall niður bústaðinn líka ólíklegt Gedirninas, sakborningur málsins, hefur neitað sök, en hefur þó viðurkennt að hafa löðrungað Viktorias, hinn látna, einu sinni eða tvívegis þennan sama morgun. Við það hafi Viktorias fallið til jarðar. Að sögn réttarmeinafræðingsins gengur ekki upp að hinn látni hafi hlotið áverka sína vegna tveggja löðrunga og falls til jarðar. Í skýrslutöku velti Gedirninas því upp hvort áverkarnir á Viktorias hafi komið til vegna falls úr meiri hæð. Hann talaði um að þennan sama morgun hafi Viktorias verið að klifra upp bústaðinn. Réttarmeinafræðingurinn telur ólíklegt að fall þaðan hafi valdið áverkunum, eða þá fall af stiga af svefnlofti hússins. Hann tók fram að áverkar sem þessir gætu komið til vegna falls niður fjallshlíð. Að sögn réttarmeinafræðingsins var hinn látni með áverka í heila sem voru líklega eftir snarpar og þungar hreyfingar. Líklega væru þeir eftir einhvern fjölda högga, en ómögulegt væri að telja hversu mörg þau væru. Líklegast væri að áverkanir hefðu komið til eftir hnefahögg og spörk, eða vegna kraft sem væru áþekkir því. Barefli væri ólíklegt.
Manndráp í Kiðjabergi Dómsmál Grímsnes- og Grafningshreppur Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Margt ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Strandveiðisjómenn vilji aftur fá kvóta sem þeir hafi selt frá sér Innlent Eldar loguðu í Kænugarði eftir umfangsmiklar árásir Rússa Erlent Fyrirsjáanlegar deilur: Valdamesti maður heims og sá ríkasti hnakkrífast Erlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Fleiri fréttir Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Sjá meira