Innlent

Neitaði að blása í áfengismæli

Samúel Karl Ólason skrifar
Enn og aftur virðist hafa verið rólegt hjá lögreglunni á höfuðborgarsvæðinu, ef marka má dagbók lögreglunnar
Enn og aftur virðist hafa verið rólegt hjá lögreglunni á höfuðborgarsvæðinu, ef marka má dagbók lögreglunnar Vísir/Sammi

Ökumaður sem stöðvaður var í Reykjavík í gærkvöldi vegna gruns um akstur undir áhrifum áfengis, neitaði að blása í áfengismæli. Í dagbók lögreglu segir að hann verði því einnig kærður fyrir að neita að veita atbeina við ransókn máls.

Ökumaðurinn neitaði einnig að leyfa lögregluþjónum að leggja bíl hans í stæði og var bíllinn því dreginn á brott með dráttabíl. Ökumanninum var sleppt efftir sýnatöku.

Þegar lögregluþjónar stöðvuðu annan bíl vegna tilkynningar um líkamsárás reyndist annar tveggja í bílnum vera með piparúða, sem var haldlagður.

Þetta er meðal þess sem kemur fram í dagbók Lögreglunnar á höfuðborgarsvæðinu en þar segir að frá klukkn fimm seinni partinn í gær, til klukkan fimm í morgun hafi 67 mál verið bókuð í kerfum lögreglu og einn gisti fangageymslu.

Lögereglunni barst í gær tilkynning um þjófnað í matvöruverslun en þegar lögregluþjóna bar að garði kom í ljós að um ítrekaðan verknað var að ræða. Einnig barst tilkynning um aftanákeyrslu en upplýsingar um möguleg slys á fólki liggja ekki fyrir.

Lögreglumál

Mest lesið


Fleiri fréttir

Sjá meira


×

Mest lesið