Fótbolti

Ronaldo verður ekki með á HM fé­lags­liða

Hjörtur Leó Guðjónsson skrifar
Cristiano Ronaldo ætlar að taka sér stutt frí í sumar, enda kominn á fimmtugsaldur.
Cristiano Ronaldo ætlar að taka sér stutt frí í sumar, enda kominn á fimmtugsaldur. James Gill - Danehouse/Getty Images

Portúgalska stórstjarnan Cristiano Ronaldo hefur útilokað það að hann muni taka þátt á HM félagsliða sem hefst síðar í þessum mánuði.

Samningur hins fertuga Ronaldos við sádiarabíska liðið Al-Nassr rennur út í lok júnímánaðar, en liðinu mistókst að vinna sér inn sæti á HM félagsliða sem hefst eftir slétta viku.

Sjálfur hafði Ronaldo sagt að hann yrði ekki áfram í herbúðum félagsins á næsta tímabili og því hafa margir velt því fyrir sér hvort hann hafi ætlað að finna sér lið sem tekur þátt á mótinu áður en það hefst.

Nú hefur Ronaldo sjálfur hins vegar greint frá því að svo verði ekki.

„Ég mun ekki taka þátt á HM félagsliða,“ sagði Ronaldo.

„Það hafa nokkur lið haft samband. Sum þeirra hefðu passað vel fyrir mig, önnur ekki, en það er ekki hægt að reyna að gera allt. Það er ekki hægt að grípa hvern einasta bolta,“ bætti Ronaldo við.




Fleiri fréttir

Sjá meira


×