Stál­heppinn við­skipta­vinur N1 vann frítt flug í heilt ár með PLAY

N1 og flugfélagið Play ákváðu að efna til mikils ferðaleiks þar sem viðskiptavinir N1 gátu unnið veglega vinninga frá flugfélaginu. Vinningarnir í heild eru tíu og er ferðaleikurinn í tilefni af einni stærstu ferðahelgum ársins sem er nú um hvítasunnuhelgina.

Björn Þór, sem var algjörlega grunlaus þegar hann gekk inn í verslun N1 á Ártúnshöfða, átti erfitt með að koma upp orði þegar honum var afhentur Gullni miðinn. Á staðnum var tónlistarmaðurinn Prettyboitjokko sem söng fyrir viðstadda og setti tóninn þegar flugliðar frá PLAY hlupu á móti vinningshafanum með Gullna miðann í höndunum.

„Þetta er stærsti lottóvinningur sem ég hefði getað hugsað mér,“ sagði Björn brosandi út að eyrum og bætti við: „Það var nú heppilegt að ég mætti á sendiferðabílnum svo að ég komi þessu fyrir!“

Að lokinni athöfninni kvaddi hann starfsfólk PLAY og N1 með miðann í höndunum, og sagði: „Ég er bara ekki viss um að ég rati heim!“

„Það var virkilega gaman að vera á staðnum þegar þetta gerðist,“ sagði Magnús Hafliðason, framkvæmdastjóri N1. „Það var alveg hreint ósvikin gleði þegar hann áttaði sig á því hvað var að gerast, enda ekki á hverjum degi sem gefinn er árs­passi í skýin. Þessi gullni miði gefur honumfrítt flug í heilt ár til á fjórða tug áfangastaða innan leiðakerfis PLAY, en þar á meðal eru 16 sólarlandaáfangastaðir sem njóta mikilla vinsælda.“

Ferðaleikur N1 og Play heldur áfram yfir hvítasunnuhelgina en þar geta viðskiptavinir N1 víðsvegar um landið unnið gjafabréf með Play. Á föstudag unnu t.d. yndislegar mæðgur í Mosfellsbæ óvæntan glaðning. Hver veit nema næsti vinningur fari til þín? Kíktu á næstu N1 stöð um helgina og taktu þátt í ferðagleðinni!