Bað þjóðina um að fyrir­gefa þeim

Þetta er þriðja heimsmeistarakeppni karla í röð sem Sílemenn missa af.

Gullkynslóðin varð Suðurameríkumeistari 2015 og 2016 en Síle var síðast með á HM í Brasilíu 2014.

Í síðustu undankeppnum hefur síleska landsliðið unnið færri og færri leiki og í því í raun að fjarlægast markmiði sínu.

2-0 tap á móti Bólivíu, það tíunda í sextán leikjum í undankeppninni, þýðir að Síle á ekki lengur möguleika á sæti á HM.

Sex efstu þjóðirnar í Suðurameríkuriðlinum komast beint á HM

Alexis Sánchez, fyrrum leikmaður Arsenal og Manchester United, er enn að spila með landsliðinu.

„Ég er mjög sorgmæddur og líður mjög illa. Ég hef aldrei upplifað svona áður. Við verðum að biðja sílesku þjóðina um að fyrirgefa okkur,“ sagði Alexis Sánchez.

„Við verðum að halda áfram að vinna í því að breyta þessu. Hlutirnir eru að breytast. Við erum búnir að harða gullkynslóðina því ég er sá eini sem er eftir,“ sagði Sánchez.

Alexis Sánchez er 36 ára gamall og spilar nú með Udinese á Ítalíu. Hann var þarna að spila sinn 168. landsleik og hefur skorað í þeim 51 mark. Síðasta landsliðsmark hans kom þó árið 2023.

Sánchez er bæði leikjahæsti og markahæsti landsliðsmaður Síle frá upphafi en hann tók við fyrirliðabandinu af Claudio Bravo í fyrra.