„Verðum þarna úti með 23 leikmenn og 24 starfsmenn í kringum liðið“

Stefán Árni Pálsson skrifar 20. júní 2025 11:32

Þorvaldur Örlygsson formaður KSÍ er spenntur fyrir EM í næsta mánuði. Vísir/anton

Heljarinnar teymi mun fylgja íslenska kvennalandsliðinu á EM í Sviss í sumar. Formaður KSÍ segir að undirbúningur sambandsins fyrir mótið hafi staðið yfir í marga mánuði.

Ísland tekur þátt á sínu fimmta Evrópumóti í röð í næsta mánuði. Liðið er í riðli með Finnum, Norðmönnum og heimamönnum í Sviss. Fyrsti leikur Íslands er gegn Finnum 2. júlí. Þorvaldur Örlygsson segir að stór hópur frá KSÍ fylgi liðinu út en listann má sjá hér neðst í greininni.

„Við erum með mjög gott og reynslumikið starfsfólk og það má segja að strax og það varð ljóst að við áttum möguleika að fara áfram var fólk í startholunum með undirbúning og annað og hafa náttúrulega reynslu af þessum mótum. Þetta er ekki í fyrsta skipti sem fólk er að fara á svona mót,“ segir Þorvaldur og heldur áfram.

„Það er af miklu að huga fyrir starfsfólkið en þau hafa svo sannarlega gert það vel. Þetta lítur bara mjög vel út allt skipulag og allt sem er í gangi hjá okkur. Við verðum þarna úti með 23 leikmenn og 24 starfsmenn í kringum liðið þannig að það er fullt af góðu fólki þarna,“ segir Þorvaldur í Sportpakkanum á Sýn í gærkvöldi.

Hópurinn sem fylgir landsliðinu á EM:

Þorsteinn H. Halldórsson, aðalþjálfari

Ásmundur Haraldsson, aðstoðarþjálfari

Ólafur Pétursson, markmannsþjálfari

Davíð Snorri Jónasson, njósnari

Þórður Þórðarson, njósnari

Aðalheiður Rósa Jóhannesdóttir, læknir

Ágústa Sigurjónsdóttir, sjúkraþjálfari

Ásta Árnadóttir, sjúkraþjálfari

Tinna Mark Antonsdóttir, sjúkraþjálfari

Gunnhildur Yrsa Jónsdóttir, styrktarþjálfari

Lára Hafliðadóttir, aðstoðarstyrktarþjálfari og greinandi