Bragi semur við nýliðana

Bragi er 21 árs gamall bakvörður, uppalinn í Grindavík en hefur einnig leikið með Haukum hér á landi. Hann spilaði svo með Penn háskólanum í Bandaríkjunum en ákvað að taka sér frí frá námsbókunum eftir áramót og kláraði tímabilið með Grindavík, sem datt út í oddaleik í undanúrslitum gegn Íslandsmeisturum Stjörnunnar.

„Bragi hefur vakið athygli fyrir íþróttamennsku sína og leikskilning auk þess sem hann hefur reynslu af bandaríska háskólaboltanum... Hann kemur með mikla reynslu og kraft í lið Ármanns sem stefnir hátt á næsta tímabili.

Við erum gríðarlega spennt fyrir komu Braga og teljum hann passa vel inní hópinn. Félagið vill gefa ungum strákum tækifæri til að dafna í okkar búning og teljum við á sama tíma að Bragi geti hjálpað félaginu í komandi átökum… Með komu Braga styrkist leikmannahópur Ármanns enn frekar og stuðningsmenn geta hlakkað til spennandi tímabils í Bónus deildinni“ segir í fréttatilkynningu Ármanns. Kynningarmyndband Braga má svo sjá hér fyrir neðan.