Snýr aftur á Álfta­nes með hunangið

Það vakti nefnilega athygli á síðustu leiktíð að hinn hávaxni Okeke skyldi sífellt sjást með hunang innan seilingar.

Þar sem Okeke er að glíma við hjartavandamál þá hentar honum ekki að drekka örvandi orkudrykki eins og samherjar hans gera. Hann sækir orkuna frekar úr hunangi.

„Við ákváðum að ég skildi vera með eitthvað sem væri hollt og gæfi mér sykur og orku í leikjum. Okkur datt þá hunang í hug. Ég fæ mér alltaf smá og held svo áfram. Það bragðast rosalega vel,“ sagði Okeke skellihlæjandi í viðtali við Vísi í vetur.

Og nú hefur hann staðfest að hann muni koma aftur. 

„Við erum með stóra tilkynningu. Ég sný aftur með Álftanesi á næstu leiktíð. Ég get ekki beðið. Ég er svo glaður og spenntur,“ segir Okeke í myndbandi.

„En ég verð ekki einn. Þessi kemur líka,“ segir hann og tekur upp flösku af hunangi: „Ég og hunangið getum ekki beðið. Áfram nú!“

Okeke fór með Álftnesingum í undanúrslit Bónus-deildarinnar í vor, lengra en liðið hefur nokkru sinni náð. Þessi 205 sentímetra Ítali lék áður með Haukum og Keflavík en hann kom fyrst hingað til lands árið 2021.

Okeke skoraði að meðaltali 18,5 stig í leik í vetur og tók 8,2 fráköst.