Fótbolti

Eigin­konan gaf Messi strumpaköku í af­mælis­gjöf

Óskar Ófeigur Jónsson skrifar
Lionel Messi með afmæliskökuna sína og hann virðist vera ánægður með hana.
Lionel Messi með afmæliskökuna sína og hann virðist vera ánægður með hana. @AntonelaRoccuzzo

Lionel Messi heldur upp á 38 ára afmælið sitt í dag en hann fæddist 24. júní 1987.

Eiginkonan stríddi sínum manni aðeins á afmælisdaginn.

Antonela Roccuzzo gaf Messi strumpaköku í afmælisgjöf og birti mynd af honum með kökuna sína.

Upp á kökunni stóð Fýlustrumpur með bolta við fæturna.

Undir skrifaði hún: „Til hamingju með afmælið, gamli önugi maður. Besti pabbinn, besti makinn, bestur í öllu. Hversu heppin erum við að hafa þig með okkur. Við elskum þig,“ skrifaði Antonela Roccuzzo.

Þau hafa verið saman frá árinu 2008 en hafa þekkst síðan Messi var fimm ára. Þau giftu sig árið 2017. Saman eiga þau þrjá syni.

HM félagsliða í fótbolta 2025

Mest lesið


Fleiri fréttir

Sjá meira


×

Mest lesið