All­kröpp lægð á leiðinni til landsins

Frá þessu segir á vef Veðurstofunnar. Þar kemur fram að á Norður- og Austurlandi verði heldur hráslagalegt í norðanáttinni, víða súld eða dálítil rigning. Þar má gera ráð fyrir hita á bilinu fimm til níu stig.

„Sunnanlands verður hins vegar mun mildara, einhverjar skúrir á sveimi og hiti 10 til 15 stig yfir daginn, og við Faxaflóa ætti að létta til.

Fremur hæg vestlæg eða breytileg átt á morgun, skýjað með köflum og víða dálitlar skúrir. Hiti yfirleitt á bilinu 7 til 13 stig.

Á miðvikudag snýst svo í suðlæga átt með vætu um landið sunnan- og vestanvert, en stöku skúrir og sæmilega milt á Norðaustur- og Austurlandi,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Norðvestlæg eða breytileg átt 3-10 m/s. Skýjað með köflum og víða dálitlar skúrir. Hiti 7 til 14 stig.

Á miðvikudag: Sunnan 5-13 og væta með köflum, en stöku skúrir um landið norðaustanvert. Hiti 8 til 16 stig, hlýjast á Austurlandi.

Á fimmtudag: Suðvestlæg eða breytileg átt 3-10 og dálítil rigning, en skúrir norðaustanlands. Hiti breytist lítið.

Á föstudag og laugardag: Fremur hæg breytileg átt og dálítil væta á víð og dreif. Hiti 8 til 16 stig, hlýjast á Suðurlandi.

Á sunnudag: Vestlæg eða breytileg átt og víða líkur á skúrum.