Myndaveisla frá Hafnarfirði - Bylgjulestin 2025

Bylgjulestin 30. júní 2025 10:25

Ívar Guðmunds og Kristín Ruth stóðu vaktina þegar Bylgjulestin mætti til Hafnarfjarðar síðsta laugardag. Mynd/Viktor Freyr.

Það var frábær stemning í Hafnarfirði síðustu helgi þegar bæjar- og tónlistarhátíðin Hjarta Hafnarfjarðar var sett. Bylgjulestin mætti á laugardaginn þar sem boðið var upp á fjölbreytta og skemmtilega dagskrá.

„Það var ótrúlega gaman að vera í Hjarta Hafnarfjarðar á laugardaginn,“ segir Kristín Ruth Jónsdóttir dagskrárgerðarkona á Bylgjunni en hún mun stýra Bylgjulestinni í sumar ásamt þeim Braga Guðmunds og Sigvalda Kaldalóns.

Boðið var upp á andlitsmálningu sem mörg barnanna nýttu sér. Mynd/Viktor Freyr.

Bylgjulestin var í beinni á laugardaginn milli kl. 12 og 16. „Það var svo mikil stemning í bænum, við fengum frábært veður og sólin var með okkur allan daginn. Fullt af krökkum mættu til okkar og fengu sundpoka frá Bylgjunni sem innihélt alls konar glaðning, skelltu sér í andlitsmálningu og fengu blöðrur frá Blaðraranum. Einnig fengum við frábæra gesti sem sögðu okkur frá bænum og sumir þeirra sungu fyrir okkur. Takk fyrir okkur Hafnarfjörður!“

Ýttu á hvítu örina til hægri til að skoða fleiri myndir.

Papar mættu í heimsókn og tóku lagið.Myndir/Viktor Freyr.

Viktor Freyr ljósmyndari mætti á staðinn og myndaði gleðina.

Samstarfsaðilar Bylgjulestarinnar verða með í för. Sjóvá og Samgöngustofa munu fjalla um umferðaröryggi, Topptjöld og vagnar verða með iKamper vagn til sýnis, 7up Zero gefur gestum frískandi drykki, bílaumboðið Askja verður með bílasýningu og gjafapokarnir frá Bylgjunni verða að sjálfsögðu á sínum stað með 7up Zero pink, nammi frá Danól og varningi frá Bylgjunni.