Loka­æfing fyrir EM tekin í þrumum og eldingum

Íslensku stelpurnar hafa haft í nægu að snúast undanfarna daga og undirbúningur fyrir mótið náði líklega hámarki í dag þegar liðið tók sína síðustu alvöru æfingu áður en alvaran hefst.

Veðrið var ekki beint að hjálpa stelpunum, en mikill hiti hefur verið í Sviss undanfarna daga. Ekki nóg með það heldur mátti sjá eldingar og heyra miklar drunur í þrumum á meðan æfingunni stóð, en stelpurnar kipptu sér þó ekkert upp við það.

Anton Brink, ljósmyndari Vísis, var á æfingasvæðinu og fangaði stemninguna.