Er­lendum leik­mönnum Ár­manns fækkar um einn

Bowen hefur leikið hér á landi um árabil, fyrst með KR og svo Haukum. Eftir að hafa tekið nokkur ár í atvinnumennsku í Evrópu snéri Bowen aftur til Íslands og samdi við Álftanes en færði sig yfir í Ármann fyrir síðasta tímabil þar sem hann spilaði stórt hlutverk þegar liðið vann sig upp í úrvalsdeild en hann skoraði 17 stig að meðaltali í leik síðasta vetur.

Bowen er ekki bara mikilvægur leikmaður fyrir Ármann heldur einnig mikilvægur félagsmaður en í tilkynningu félagsins um endurnýjun samnings Bowen kemur fram að hann sinni mikilvægu hlutverki sem þjálfari í yngri flokkum og njóti mikilla vinsælda sem slíkur.

Þess má svo til gamans geta að Bowen er mjög virkur á TikTok þar sem hann er með yfir 73 þúsund fylgjendur.