Til skoðunar að flytja Sjálf­stæðis­flokkinn úr Val­höll

Í bréfi sem sent var flokksmönnum segir að þau Kjartan Gunnarsson, fyrrverandi framkvæmdastjóri flokksins, Þórir Kjartansson, framkvæmdastjóri Íslenskrar fjárfestingar, og Kristín Edwald, hæstaréttarlögmaður og eigandi á Lex, hafi verið skipuð í nefndina. Þeim sé ætlað að gera heildstæða valkostagreiningu á húsnæðismálum flokksins og leggja fram tillögur um framtíðarlausnir í þeim efnum.

„Aðgerðin er einn liður í víðtækri endurskoðun á starfsemi flokksins með það að markmiði að efla innviði hans og tryggja honum styrk og slagkraft til framtíðar,“ er haft eftir Guðrúnu í tilkynningunni.

Sem áður segir herma heimildir Vísis að til skoðunar sé að flytja höfuðstöðvar flokksins úr Valhöll við Háaleitisbraut en þaðan hefur flokknum verið stýrt í áratugi. Húsið var byggt sérstaklega undir starfsemi flokksins árið 1975 en þar hefur ýmis önnur starfsemi einnig verið rekin. Þó hefur engin ákvörðun verið tekin í þeim efnum.