Viðskipti innlent

Loka Brút og Kaffi Ó-le

Lovísa Arnardóttir skrifar
Ólafur Örn Ólafsson veitingamaður fyrir utan Brút.
Ólafur Örn Ólafsson veitingamaður fyrir utan Brút. Instagram

Loka á veitingastaðnum Brút í Pósthússtræti og kaffihúsinu Ó-le í Hafnarstræti. Staðirnir hafa verið reknir saman. Það staðfestir Ragnar Eiríksson kokkur sem átti Brút með þeim Ólafi Erni Ólafssyni og Braga Skaftasyni veitingamönnum.

„Ég get staðfest það, að það er svo. Kaffi Ó-le og Brút er sami rekstur,“ segir Ragnar en vísar að öðru leyti á Ólaf Örn. Fréttastofa hefur ekki náð tali af honum. 

Í tilkynningu á Facebook-síðu Kaffi Ó-le kemur fram staðnum hafi verið lokað í dag. Veitingastaðuinn Brút opnaði 2021 og kaffihúsið á svipuðum tíma. Ólafur ræddi opnunina í viðtali á Vísi við opnun hans.

 Veitingastaðurinn var viðurkenndur Michelin veitingastaður þar sem lögð var áhersla á sjávarrétti.

Ragnar Eiríksson kokkur var einn eigenda Brút.

„Ég segi alltaf að veitingastaðir séu afþreying og við búum til matarafþreyingu. Við leggjum mikla áherslu á þægindi og viljum að hjá okkur fái fólk vandaða matarupplifun. Okkar aðalsmerki er „casual fine dining“, laus við allt prjál. Ætli við Óli séum ekki með yfir 70 ára reynslu samanlagt í veitingabransanum, hérlendis og erlendis og vitum hvernig stað við viljum búa til,“ sagði Ragnar í viðtali um veitingastaðinn um ári eftir að hann opnaði.

Veitingastaðir Reykjavík

Tengdar fréttir

Allir héldu stjörnunni og Óx fékk eina græna til

Allir þrír staðirnir hérlendis sem skartað hafa hinni eftirsóttu Michelin-stjörnu halda stjörnunni milli ára. Tvær breytingar eru þó frá síðastu Michelin-vegahandbók en Óx hlaut græna stjörnu ásamt þeirri hefðbundnu og Hosiló bætist á lista yfir veitingastaði sem dekkjaframleiðandinn mælir með.

Allt í banönum á Brút

Bananar og hetjur hafa tekið yfir veggi vinsæla veitingastaðarins Brút en þar opnaði einstök listasýning um síðustu helgi í samstarfi við Gallery Port og David Molesky. Margt var um manninn og fólk gæddi sér meðal annars á banönum meðan það skoðaði bananalistina gaumgæfilega.

„

Veitingastaðirnir Dill og Óx fá að halda sínum Michelin-stjörnum og á verðlaunahátíð Michelin í Finnlandi í gærkvöldi fékk veitingastaðurinn Moss í Bláa lóninu stjörnuna eftirsóttu í fyrsta sinn.

Veitingastaðurinn Brút blómstrar í miðbænum

„Við opnuðum fyrir rétt rúmu ári, eftirminnilega því rafmagnið fór af miðbænum korter í sex það kvöld. Það var smá stressandi en það þýddi ekkert annað en anda rólega,“ segir Ragnar Eiríksson, yfirkokkur veitingastaðarins Brút og eigandi staðarins ásamt Ólafi Erni Ólafssyni og Braga Skaftasyni.



Mest lesið


Fleiri fréttir

Sjá meira


×

Mest lesið