Féll á lyfja­prófi á HM ís­lenska hestsins og missir silfur: „Eins og ég sé glæpa­maður“

Á mótinu voru framkvæmdar handahófskenndar lyfjaprófanir í samræmi við reglur FEI um lyfjanotkun í hrossum. Rannsóknarstofa FEI, greindi Cannabidiolicsýru (CBDA) í blóðsýni úr hestinum Glað. Eiðfaxi segir frá.

Austurríski knapinn Anna Lisa Zingsheim sýndi Glað og náðu þau öðru sæti í tölti með einkunnina 8,39.

Í frétt á heimasíðu FEIF um málið kemur fram að þar sem þetta var fyrsta brot og aðeins um er að ræða eitt lyf úr flokki þeirra sem ekki eru talin árangursaukandi, valdi Anna Lisa að málið ekki lengra. Það hefur í för með sér að allur árangur af viðkomandi móti er felldur niður en ekkert keppnisbann fylgir.

Alltaf mjög varkár

Í samtali við Eiðfaxa sagði Anna Lisa að niðurstaða lyfjaprófsins hafi komið henni algjörlega í opna skjöldu. 

„Ég fékk tilkynninguna þann 11. september og las skilaboðin mörgum sinnum, því ég gat ekki trúað þessu,“ sagði Anna Lísa.

„Ég er alltaf mjög varkár með það hvað ég gef hestinum mínum, því maður er alltaf hræddur við að eitthvað svona geti gerst og ólögleg lyf leynist í fóðri eða öðru sem maður notar dags daglega, án þess að maður viti af því,“ sagði Anna Lísa.

Fann ekkert sem gæti útskýrt þetta

Hún athugaði allar vörurnar sem ég notaði og fóðrið, en fann ekkert sem gæti útskýrt þetta. Anna kannaði möguleikann á því að leita réttar síns en að hennar mati voru möguleikar hennar því afar takmarkaðir.

„Ég hafði tvo kosti: annaðhvort að samþykkja niðurstöðuna, sætta mig við að árangur minn yrði þurrkaður út og greiða sekt, eða að óska eftir að annað sýni yrði prófað. Ef það hins vegar hefði reynst líka jákvætt hefði ég staðið frammi fyrir miklu hærri kostnaði og hugsanlegu keppnisbanni. Í ljósi þess að FEIF var ekki tilbúið að hjálpa mér að rannsaka hvort þessi efni gætu hugsanlega komið úr hálmundirburðinum fannst mér ég knúinn til að velja fyrri kostinn,“ sagði Anna Lísa.

Mjög sár

Anna Lisa segist vera mjög sár yfir niðurstöðunni og áhrifunum sem hún hefur haft. 

„Ég er mjög stolt af hestinum mínum og öllu sem við áorkuðum á heimsmeistaramótinu. Það er mjög sárt að missa þann árangur á þennan hátt. Mér líður að einhverju leyti eins og ég sé talin glæpamaður. Ég hef aldrei áður fundið fyrir jafn miklu hjálparleysi. Mér fannst skorta á mannúð og samkennd í ferlinu af hendi FEIF, og mér fannst ég ekki fá raunverulegt tækifæri til að skýra málið og hreinsa mig af ásökunum,“ sagði Anna.