Hyggjast banna klám sem sýnir kyrkingar

Lagasetningin kemur á hæla rannsóknarskýrslu þar sem sagði meðal annars að útbreiðsla kláms þar sem kyrkingar væru sýndar hefðu stuðlað að því að normalísera kyrkingar sem kynlífsathöfn.

Fram kemur í umfjöllun Guardian að rannsóknir hafi sýnt að þrátt fyrir að margir telji að stunda megi kyrkingar á „öruggan hátt“, sem sumir segja auka ánægju sína af kynlífi, þá sé það í raun rangt.

Allar kyrkingar séu áhættusamar og að jafnvel afar skammvinnur súrefnisskortur geti stuðlað að breytingum á heilanum. Margar rannsóknir hafi sýnt fram á breytingar og skaða á heilum kvenna sem hafa verið kyrktar á meðan kynlífi stendur.

Konur eru oftar en ekki sá aðili sem er kyrktur.

Þessi hætta af völdum kyrkinga hefur þegar orðið til þess að þær hafa verið gerðar ólöglegar í lögum gegn heimilisofbeldi frá 2021.