Ekki grínast um upp­sagnir, hnýsast um sam­tölin eða bak­tala

Sem mæla með því að fyrst og fremst séum við að vanda okkur við að hlusta á fólk sem er nýbúið að missa vinnuna. Ekki að bjóða fram lausnir.

Spyrja til dæmis: Hvernig líður þér? 

Og vanda okkur við hlusta á svarið.

Stinga upp á að hittast – sýna að þú viljir halda áfram að rækta sambandið. En aftur: Leggja áherslu á að hlusta á viðkomandi. Sumir hafa til dæmis þörf fyrir að ræða atvinnumissinn eða atvinnuleitina. Á meðan aðrir vilja hittast og langar að fá „frí“ frá þeirri umræðu.

Fleiri góð ráð má lesa í viðtali sem Atvinnulífið tók fyrir stuttu við Hilju Guðmundsdóttur ráðgjafa og sérfræðingi í mannauðsstjórnun hjá Mental ráðgjöf.

Hér eru líka nokkur dæmi um það sem við eigum ekki að segja við fólk sem er nýbúið að fá reisupassann.

• Ertu ekki að grínast?
• Þú ert svo frábær, ég er viss um að þú fáir aðra vinnu strax
• Er þetta ekki bara tækifæri til að gera eitthvað nýtt?
• Jæja, þú þarft þá alla vega ekki að hanga hérna lengur…
• Fáránlegt að láta besta fólkið fara fyrst …. (ekki dæma, ekki persónugera)

Í grein sem Business Insider birti er líka mælt með því að fólk grínist ekki með stöðuna. Segi óviðeigandi hluti eins og ,,jæja, þú getur þá alla vega farið að sofa út…“ Að fá uppsögn er ekkert til að grínast með.

Í sömu grein er mælt með því að fólk fari ekki að forvitnast um það hvernig samtalið fór fram; uppsögnin sjálf. Virðum það samtal sem einkamál fólks og leyfum fólki að stjórna því sjálft, hvað það vill segja okkur og hvað ekki. Hnýsni á einfaldlega ekki við.

Það sama á við um baktal. Ekki falla í þá gryfju að baktala vinnuveitandann eða yfirmanninn sem sagði viðkomandi upp. Baktal er aldrei í lagi. Allra síst þegar staðan er þannig að þú ætlar þér að starfa áfram á vinnustaðnum.