Grunaður um mann­dráp eftir að tveggja ára drengur féll úr blokk

Lögreglan í Vestegn greinir frá málinu á X en þar kemur fram að 32 ára karlmaður hafi verið handtekinn og ákærður í málinu. Lögregla býst við því að hann verði leiddur fyrir dómara á morgun.

Lögreglan hefur lítið sagt um málið og ekki liggur fyrir hver afstaða hins handtekna er til ákærunnar. Að sögn dönsku fréttaveitunnar Ritzau, sem DR vísar í, samanstendur byggingin í Høje Gladsaxe af fimm 16 hæða fjölbýlishúsum og tveimur 9 hæða fjölbýlishúsum. 

Ekstra Bladet skrifar að lögreglan hafi lokað fyrir lokun 7. hæð í stigaganginum þar sem fallið mun hafa átt sér stað. Íbúar í fjölbýlishúsinu lýsa því í samtali við danska miðla að þeir séu slegnir yfir atvikinu.