Auð­mjúkur nýr stjóri Chelsea

„Að fá þetta traust skiptir mig miklu máli og vil ég fá að þakka öllum sem komu að þessari ákvörðun og sérstaklega því fólki sem hafði trú á mér. Ég mun leggja mig allan fram til að klúbburinn komist á þann stað sem hann á heima.“

Rosenior stýrði Hull City frá 2022-24 en tók svo við Strasbourg í Frakklandi sumarið 2024, af Patrick Vieira. Undir hans stjórn endaði Strasbourg í 7. sæti frönsku 1. deildarinnar og komst í Sambandsdeild Evrópu þar sem liðið endaði efst í deildarkeppninni, eftir 3-1 sigur gegn Breiðabliki í desember. Næsti leikur Chelsea er Lundúnaslagur við Fulham annað kvöld. Liðið situr í 5. sæti með 31 stig.

„Ég gat ekki hafnað þessu tækifæri, að taka við svona risafélagi og þessum spennandi hópi,“ segir Rosenior sem tekur með sér aðstoðarmenn sína frá Strasbourg, þá Kalifa Cisse, Justin Walker og Ben Warner og mynda þeir saman teymi Chelsea á næstu árum.