Dag­skráin: Sandra María og fé­lagar í beinni

Íslenska landsliðskonan Sandra María Jessen og félagar hennar í Köln mæta SGS Essen í þýsku kvennadeildinni í fótbolta.

Sandra María hefur farið á kostum á sínu fyrsta tímabili með liðinu og er í hópi markahæstu leikmanna deildarinnar með níu mörk í aðeins sextán leikjum.

Kölnarliðið byrjaði helgina í áttunda sæti en Essen er við botninn og þetta er því gott tækifæri til að ná í þrjú stig á heimavelli.

Það verður einnig sýndur leikur Sheffield United og Middlesbrough í ensku B-deildinni. Middlesbrough er í öðru sæti deildarinnar en United þarf að ná í stig ætli liðið að komast í úrslitakeppnina.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Viaplay

Klukkan 16.55 hefst bein útsending frá leik 1.Fc Köln og SGS Essen í þýsku kvennadeildinni í fótbolta.

Klukkan 19.55 hefst bein útsending frá leik Sheffield United og Middlesbrough í ensku B-deildinni í fótbolta.