Dag­skráin í dag: Há­tíð í bæ

Enski boltinn

Tuttugasta og sjötta umferð ensku úrvalsdeildarinnar heldur áfram að rúlla í dag. Það eru fimm leikir á dagskrá deildarinnar og hægt verður að fylgjast með öllu því helsta úr þeim öllum í DocZone á Sýn Sport í umsjón Hjörvars Hafliðasonar. Bein útsending hefst klukkan tíu mínútur yfir sjö. 

Fjórir af fimm leikjum kvöldsins hefjast klukkan hálf átta. Á Sýn Sport 3 tekur Manchester City á móti Fulham. Mikilvægur leikur fyrir City sem vill halda í við topplið Arsenal og byggja ofan á góðan sigur gegn Liverpool á Anfield um síðustu helgi.

Á Sýn Sport 4 verður svo sýnt beint frá leik Aston Villa og Brighton, á Sýn Sport 5 tekur Crystal Palace á móti Burnley og á Sýn Sport 6 veðrur sýnt beint frá fallbaráttuslag Nottingham Forest og Wolves. 

Klukkan koter yfir átta hefst svo leikur Sunderland og Liverpool í beinni útsendingu á Sýn Sport 2. 

Evrópubikarinn í fótbolta

Þá verð ég að beina sjónum ykkar að beinni útsendingu frá fyrri leik sænsku meistaranna í liði Hacken gegn Íslandsmeisturum Breiðabliks í átta liða úrslitum Evrópubikars kvenna í fótbolta. Leikurinn verður sýndur á Sýn Sport Ísland 4 rásinni og hefst klukkan hálf sex. 

Gísli Þorgeir og Ómar Ingi í eldlínunni

Það er ekkert sem segir að handboltaæði þjóðarinnar þurfi að hætta um leið og janúar rennur sitt skeið. Keppni er hafin á nýjan leik í þýsku úrvalsdeildinni, bestu deild í heimi og þar mæta okkar menn, Gísli Þorgeir og Ómar Ingi, til leiks með toppliði Magdeburgar í mikilvægum leik gegn Lemgo. Algjör stórslagur þarna á ferð sem verður sýndur í beinni útsendingu á Sýn Sport Viaplay og hefst klukkan sjö. 

Bónus deild kvenna

Spennan í Bónus deild kvenna í körfubolta er svakaleg og deildin merkilega jöfn. Það eru þrír leikir á dagskrá deildarinnar í kvöld og allir eru þeir sýndir í beinni útsendingu á sportrásum sýnar.

Á Sýn Sport Ísland verður á dagskrá stórslagur Grindavíkur og Vals sem hefst klukkan korter yfir sjö. Á sama tíma á Sýn Sport Ísland 2 mætast Hamar/Þór og Tindastóll. Á Sýn Sport 3 verður svo sýnt beint frá leik Njarðvíkur og Ármanns. 

Formúla 1

Ójá! Við getum sagt að Formúlu 1 tímabilið, tímabilið á nýrri kynslóð Formúlu 1 bíla, hefjist í dag þegar að fyrsti dagur prófana í Barein fer fram. Að sjálfsögðu sýnum við beint frá því á Sýn Sport Viaplay, heimili Formúlu 1 á Íslandi, og hefjum leika klukkan tíu mínútur í þrjú.