Velta heilsulinda jókst tölu­vert

Í nýbirtum mælingum Hagstofu Íslands segir að velta jókst í flestum af helstu atvinnugreinum landsins í nóvember og desember 2025, samanborið við sömu mánuði árið 2024. Vísitala neysluverðs hækkað um 4,1 prósent milli ára.

Aftur á móti mældist markverð lækkun á veltu í ferðaþjónustu eða um sjö prósent í einkennandi greinum ferðaþjónustu. Alls minnkaði velta í flugi um tæplega sextán prósent og ríflega ellefu prósent hjá ferðaskrifstofum.

Um sjö prósenta samdráttur var í rekstri gististaða enda fækkaði gistinóttum nokkuð á tímabilinu.

Aftur á móti var töluverð aukning í veltu heilsulinda, þar með talin baðlón, sem nam alls 56 prósentum. Þess má geta að Laugarás Lagoon, nýtt baðlón, var opnað á þessum tíma. Ekki er hægt að fullyrða að aukin aðsókn stafi af opnun lónsins. Alls eru tólf starfandi baðlón á Íslandi, þar á meðal Bláa lónið, GeoSea og Skógarböðin.