Óttast að meiðsli Orra séu al­var­leg

Orri, sem leikur með Stjörnunni í Bónus-deild karla, féll til jarðar á æfingu liðsins þegar hann fékk slink á hnéð undir lok æfingar. Atvikið náðist á myndband líkt og sjá má í spilaranum.

Þögn sló á salinn og Orri lá um nokkurra mínútna skeið og hlaut aðhlynningu læknis áður en liðsfélagar hans báru hann inn í klefa. Reynt verður að koma honum í myndatöku sem fyrst og óttast um krossbandsslit.

„Þetta er mjög leiðinlegt og eiginlega bara hræðilegt. Því miður er þetta hluti af íþróttum, svona gerist. En vonandi er þetta ekki mjög mikið og vonandi verði hann kominn til baka sem fyrst,“ segir Tryggvi Snær Hlinason um atvikið við Vísi eftir æfinguna.

Craig Pedersen, landsliðsþjálfari, er á sama máli.

„Ég vona að þetta sé ekki svo alvarlegt og það sé frekar hræðsla sem geti blossað upp. En ég veit ekkert um stöðuna á honum enn,“ segir Craig.

Myndbandið má sjá að ofan.