Skoðaði drykk Alberts eftir um­ræðu um vítin

Aron og Albert voru gestir Kjartans Atla Kjartanssonar í Sunnudagsmessunni á Sýn Sport í gærkvöld. Þegar leið á umræðuna var Aron orðinn svo hissa á því sem Albert hafði fram að færa að hann gat ekki annað en athugað hvort eitthvað annað en orkudrykkur væri í dósinni sem hann drakk úr.

United-menn voru afar ósáttir við að Amad Diallo skyldi ekki fá vítaspyrnu, í stöðunni 1-0, en Bournemouth jafnaði metin strax í næstu sókn. 

Ekki bætti úr skák þegar Harry Maguire fékk svo dæmda á sig vítaspyrnu, og beint rautt spjald, en Aron og Albert voru þó alveg sammála þeim dómi. Þeir skoðuðu einnig atvik fyrr í leiknum þar sem Maguire slapp með skrekkinn.

Umræðuna úr Messunni má sjá hér að ofan.