Erlent

Ætla að lýsa öldunga látna nema þeir sýni lífs­mark

Kjartan Kjartansson skrifar
Að vera eða ekki vera, það er efinn fyrir þjóðskrá Finnlands um hóp háaldraðra einstaklinga sem hún veit ekki hvort sé lífs eða liðinn.
Að vera eða ekki vera, það er efinn fyrir þjóðskrá Finnlands um hóp háaldraðra einstaklinga sem hún veit ekki hvort sé lífs eða liðinn. Vísir/Getty

Þjóðskrá Finnlands íhugar nú að skrá látna á þriðja þúsund manns sem eru hundrað ára eða eldri nema öldungarnir gefi sig fram og sanni að þeir séu á lífi. Einstaklingarnir á lista stofnunarinnar hafa ekkert látið á sér kræla í skrám hennar undanfarin fimm ár.

Gamla fólkið hafði frest til gærdagsins til þess að sýna fram á að þeir væru enn í þessum heimi. Finnska ríkisútvarpið segir að frá því að þjóðskráin auglýsti listann í desember hafi um fjögur hundruð svör borist.

Viðmælandi fjölmiðilsins hjá þjóðskránni segir lista af þessu tagi tekna saman árlega. Yfirleitt komi í ljós að fólk hafi flutt úr landi fyrir mörgum áratugum. Finnskir ríkisborgarar sem búa erlendis eiga engu að síður að tilkynna um giftingar, fæðingar og dauðsföll til yfirvalda í heimalandinu.

Finnland Eldri borgarar

Mest lesið


Fleiri fréttir

Sjá meira


×

Mest lesið