Gengið í Icelandair rýkur upp í kjöl­far fregna af til­boði í Fly Play Europe

Eins og fram kemur í tilkynningu sér Icelandair aukin tækifæri í leiguflugi með þessum kaupum. Ástæðan sé meðal annars víðtækir loftferða- og tvísköttunarsamningar sem Fly Play Europe á Möltu hefur aðgang að.

Ljóst er þessar fréttir hafa hleypt upp áhuga á bréfum í félaginu sem hafa lækkað verulega það sem af er ári. Gengið stendur nú í tæpum 0,8 krónum á hlut sem er um 15 prósentum lægra en í ársbyrjun.

Icelandair tapaði 1,2 milljörðum króna árið 2025 eftir skatta. Um er að ræða samdrátt frá fyrra ári þegar tap nam 2,8 milljörðum króna. Stjórnendur segja tekjur félagsins aldrei hafa verið hærri og þær aukist um 11 prósent milli ára í 223,6 milljarða.