Reyðfirðingar eiga á­fram glímukónginn og drottninguna

Keppt var í íþróttamiðstöðinni í Búðardal og tóku átta keppendur þátt í karlaflokki en þrír í kvennaflokki.

Reyðfirðingar voru að vanda áberandi og þaðan koma einmitt sigurvegararnir tveir en þau Hákon og Kristín Embla keppa bæði fyrir Ungmenna- og íþróttasamband Austurlands.

Hákon varð glímukóngur í fyrsta sinn í fyrra og stóð aftur uppi sem sigurvegari í ár en KR-ingarnir Þórður Páll Ólafsson og Gústaf Sæland urðu í 2. og 3. sæti.

Kristín Embla varð glímudrottning í fyrsta sinn fyrir átta árum og hefur nú unnið alls fimm sinnum. Sigurdís Sóley Lýðsdóttir úr Glímufélagi Dalamanna varð í 2. sæti og Lovísa Ýr Jóhannsdóttir, Héraðssambandinu Skarphéðni, í 3. sæti.