Sjáðu ótrú­lega flautukörfu Hilmars Smára í fram­lengingu gegn Tinda­stól

Hreint út sagt ótrúlegur leikur á enda. Í fyrri hálfleik virtust Stólarnir ætla að valta yfir Garðbæinga sem hafa lent í sínum áföllum á leiðinni á þennan stað í úrslitakeppninni. 

Það býr hins vegar mikið í þessu liði Stjörnunnar. Aldrei gáfust þeir upp og komu sér í stöðu, nokkrum sinnum til þess að vinna leikinn. 

Leikurinn var framlengur. Stjarnan í sókn þegar að rétt rúmar fimm sekúndur voru eftir af leiknum. Tækifæri fyrir lið Stjörnunnar, sem var orðið þunnskipað sökum villuvandræða lykilmanna, til þess að klára leikinn.

Þú setur boltann í hendurnar á Hilmari Smára Henningssyni í svona stöðu. Það gerði Stjarnan og Hilmar Smári setti niður flautukörfu. Vann leikinn.

Staðan 2-0 í einvíginu, Stjörnunni í vil. Hver hefði séð það fyrir þegar að liðið missti sinn besta mann, landsliðsfyrirliðann Ægi Þór Steinarsson, í meiðsli fyrir einvígið. 

Stjarnan getur klárað einvígið í Síkinu í næsta leik. En ætla má að Stólarnir mæti brjálaðir í þann leik. Allt undir.