Heims­meistarinn fremstur í sprettinum

Norris var langsneggstur allra í Miami þennan föstudaginn og náði glimrandi hring í þriðju umferð tímatökunnar. Hann fór hringinn á einni mínútu og 27,869 sekúndum.

Ferrari-menn höfðu heillað á æfingum og Charles Leclerc sneggstur þar en þeim tókst ekki að leika það eftir í dag. Þá tókst ekki heldur nægilega vel til hjá George Russell sem hafði verið öflugur í fyrstu þremur keppnir tímabilsins fyrir mánaðarlöngu pásuna sem tók við vegna stríðsbrölts í Miðausturlöndum.

Kimi Antonelli, liðsfélagi Russells, hjá Mercedes tókst á síðasta hring dagsins að troða sér milli liðsfélagana hjá McLaren en Oscar Piastri mun ræsa þriðji.

Charles Leclerc á Ferrari var fjórði sneggstur, Max Verstappen á Red Bull fimmti, George Russell á Mercedes sjötti og Lewis Hamilton á Ferrari sjöundi.

Sprettkeppnin verður í beinni á Sýn Sport Viaplay klukkan 15:55 á morgun. Tímataka fyrir kappakstur sunnudagsins er einnig á morgun, einnig á Sýn Sport Viaplay klukkan 19:55.