Viðskipti innlent

Hlut­hafar Brims seldu fé­laginu fyrir sex milljarða

Árni Sæberg skrifar
Guðmundur Kristjánsson er forstjóri Brims og langstærsti hluthafi félagsins. 
Guðmundur Kristjánsson er forstjóri Brims og langstærsti hluthafi félagsins.  Vísir/Einar

Hluthafar Brims gengu að tilboði félagsins um kaup á eigin bréfum fyrir alls sex milljarða króna. Félagið hefur heimild til kaupa á eigin bréfum fyrir allt að tíu prósent af heildarhlutafé og bauð hluthöfum kaup á hlutabréfum fyrir allt að 6,1 milljarð í fyrradag. Viðskiptin tengjast kaupum Brims á Lýsi hf., en kaupverðið verður að hluta greitt með hlutum í Brimi.

Í tilkynningu Brims til Kauphallar í gærkvöldi segir að félaginu hafi borist samþykkt tilboð frá hluthöfum félagsins fyrir samanlagt 69.001.150 hlutum að nafnvirði. Gengið hafi verið 88 krónur fyrir hvern hlut og samanlagt kaupverð hluta nemi því 6.072.101.200 krónur. 

Uppgjörsdagur samþykktra tilboða sé miðvikudagurinn 3. júní 2026. Endurkaupin séu í samræmi við viðeigandi lög, þar á meðal lög um hlutafélög og reglugerð Evrópuþingsins og ráðsins um markaðssvik, sem hefur lagagildi hér á landi.

Við dagsetningu tilkynningar eigi Brim 30.532.917 hluti, sem samsvari 1,56 prósent af heildarhlutafé félagsins. 

Við það muni bætast 20.773.778 hlutir við uppgjör á sölu á Melnesi ehf. og síðan 69.001.150 hlutir samkvæmt samþykktum tilboðum, en þá muni félagið eiga sem samsvarar 6,15 prósentum eða 120.307.845 hluti af heildarhlutafé félagsins.

Þegar kaup Brims á Lýsi verða gerð upp munu seljendur Lýsis eignast um sex prósent af heildarhlutafé Brims.

Brim Kauphöllin Sjávarútvegur Kaup og sala fyrirtækja


Mest lesið


Fleiri fréttir

Sjá meira


×

Mest lesið