All­nokkrar smálægðir að hring­sóla í grennd við landið

Í hugleiðingum veðurfræðings á vef Veðurstofunnar segir að það verði hins vegar skýjað um mest allt land þótt einhverjar sólarglennur brjótist í gegnum skýjahulana af og til.

Einnig er fremur hátt rakastig svo einhverrar vætu er að vænta líka.

Hitistigið verður í góðu meðallagi og gæti hámarkshitinn þar sem best lætur komist svolítið yfir 15 stig.

Veðurhorfur á landinu næstu daga

Á föstudag: Suðlæg eða breytileg átt 3-8 m/s og rigning með köflum, en úrkomulítið norðanlands fram eftir degi. Hiti 8 til 15 stig, hlýjast á Norðausturlandi.

Á laugardag: Suðaustlæg eða breytileg átt 3-8 m/s og skúrir í flestum landshlutum, en úrkomulítið norðaustanlands. Hlýnar heldur.

Á sunnudag (sjómannadagurinn): Austlæg eða breytileg átt 3-10, hvassast austast. Rigning um landið austanvert, en úrkomulítið vestantil fram á kvöld. Hiti 7 til 15 stig, hlýjast á Suður- og Vesturlandi.

Á mánudag, þriðjudag og miðvikudag: Útlit fyrir suðlæga eða breytilega átt. Lengst af skýjað og sums staðar dálítil væta. Hiti 8 til 15 stig, einna hlýjast á Norðausturlandi.