Martin og fé­lagar tryggðu sér odda­leik um titilinn

Alba Berlin jafnaði metin í úrslitaeinvíginu á móti Bayern München í 2-2 með tíu stiga sigri í kvöld, 71-61.

Martin var með fjögur stig og fjórar stoðsendingar í leiknum en hitti ekki vel í kvöld eða aðeins úr einu af sjö skotum. Martin var einnig með 2 stolna bolta

Alba Berlin spilaði tvo síðustu leiki á heimavelli sínum en tapaði leiknum á undan. Það þýddi að tap í kvöld sendi liðið í sumarfrí. Bæði lið hafa nú unnið heimaleik og útileik í einvíginu en oddaleikurinn um titilinn fer fram á heimavelli Bayern.

Frábær þriðji leikhluti, sem Alba vann 16-9, gerði gæfumuninn en Bayern var þremur stigum yfir í hálfleik, 45-42, eftir að hafa unnið annan leikhlutann 22-16.

Vörn Alba Berlín var frábær í seinni hálfleik þar sem Bæjarar náðu aðeins að skora 16 stig samanlagt eða mun minna en þeir gerðu bæði í fyrsta (23) og öðrum leikhluta (22).