Nánast farin að reikna með hitabylgjum fyrir austan

Framkvæmdastjóri tjaldsvæðisins á Egilsstöðum, Heiður Vigfúsdóttir, var í beinni frá Seyðisfirði í kvöldfréttum Sýnar í dag en hún sagði mjög milt og ljúft veður í firðinum.

„Það er reyndar skýjað í augnablikinu og er búið að vera í dag en allavega uppi á Egilsstöðum í morgun, fyrir þá sem voru með markmiðið að sólbrenna þá náðu þeir örugglega markmiði sínu þar fyrir hádegið,“ segir Heiður.

Hún segir þétt setið á tjaldsvæðum á Austurlandi en að það séu yfirleitt pláss laus á þeim svæðum þar sem gildi svokallað „fyrstur kemur, fyrstur fær“.

Aðspurð hvort væri fullvel í lagt og nóg komið af sól og hita sagðist Heiður vera farin að leita í skuggann af og til í von um að kæla sig aðeins niður.

Viðtalið í heild sinni er að finna í spilaranum hér fyrir neðan.