Innlent

Á­fram geisar innbrotahrinan

Sigurgeir Þorkelsson skrifar
Voru gestir að flýta sér aðeins of mikið í stærsta pálínuboð landsins í dag? Í dagbók lögreglu kemur fram að 18 bifreiðar hafi verið sektaðar fyrir að leggja ólöglega í Laugardal. 
Voru gestir að flýta sér aðeins of mikið í stærsta pálínuboð landsins í dag? Í dagbók lögreglu kemur fram að 18 bifreiðar hafi verið sektaðar fyrir að leggja ólöglega í Laugardal.  Vísir/Vilhelm

Tilkynnt var um „óvelkominn aðila“ í Hlíðahverfi Reykjavíkur, að því er fram kemur í dagbók lögreglu. Málið var leyst með því að lögregla skipaði manninum að hafa sig á brott. Þá var einnig tilkynnt um þjófnað og innbrot miðsvæðis í borginni og er málið í rannsókn.

Nokkuð hefur verið fjallað um innbrotahrinu í miðborg Reykjavíkur undanfarið en Vísir sagði meðal annars frá því í vikunni að frá mánaðamótum hafa meira en sextíu innbrot verið tilkynnt miðsvæðis í Reykjavík.

Í dagbók lögreglu kemur fram að við eftirlit í hverfi 104 hafi komið í ljós að fjöldi ökutækja var lagt ólöglega og eiga átján bifreiðaeigendur von á sekt. 

Má velta fyrir sér hvort hér hafi verið um að ræða gesti eins fjölmennasta pálínuboðs Íslandssögunnar sem Vísir greindi frá fyrr í dag, en boðið fór fram í Grasagarðinum í Laugardal.

Þá klipptu lögreglumenn í norðurhluta borgarinnar á númeraplötur tveggja bifreiða vegna vangoldinna gjalda.

Að venju var eitthvað um að ökumenn væru stöðvaðir fyrir hraðakstur, fyrir akstur undir áhrifum ávanabindandi efna og fyrir að keyra án ökuréttinda.

Lögreglumál Reykjavík

Mest lesið


Fleiri fréttir

Sjá meira


×

Mest lesið